Британската премиерка Тереза Меј го објави планот за свикување предвремени парламентарни избори на 8 јуни. Таа кажа дека на Британија ѝ се потребни сигурност, стабилност и силно лидерство по референдумот за ЕУ. Во образложението на одлуката, Меј го спомна Брегзит, велејќи дека „земјата е обединета, но Вестминистер не е“.

За предлогот за предвремени избори ќе се гласа во парламентот утре.

Таа претходно велеше дека нема потребна од брзи избори, но сега се премисли.

„Донесов одлука дека единствен начин да се гарантира сигурност и стабилност во претстојниот период се избори“, кажа таа.