Потпретседателот на САД Мајк Пенс вели дека 90 отсто од оние што гласаа на референдумот го одобрија Договорот од Преспа и со тоа ја потврдија огромната посветеност европската иднина на Република Македонија во писмото до премиерот Зоран Заев, објави Владата.

Пенс му се заблагодари на Заев за средбата на 20 септември во Белата Куќа во Вашингтон и вели дека ја цени можноста заеднички да разговараат за спроведувањето на историскиот договор од Преспа со Република Грција.

„Потпретседателот Пенс ја истакнува неговата благодарност за покажаното лидерство во постигнувањето на договорот и нагласува дека 90 отсто од оние што гласаа на референдумот го одобрија Договорот од Преспа, и со тоа ја потврдија огромната посветеност европската иднина на Република Македонија. Соединетите Американски Држави ја споделуваат вашата посветеност за поголема сигурност и стабилност на регионот. Бидете уверени во мојата континуирана поддршка во овој важен момент за вашата земја“, го пренесува Владата писмото на Пенс до Заев.