Расте бројот на загинати по синоќешниот обид за воен удар во Турција. Повеќе од 100 пучисти, и уште 90 нивни противници, меѓу кои и 47 цивили  се убиени, соопшти генералот Умит Дундар. На 1.200 луѓе се повредени во уличните судири што се случуваа на главните улици и плоштади во Анкара и Истанбул во текот на ноќта, јави Вашингтон пост.

Утрово владините сили го освоија и штабот на армијата во Анкара, што беше најслилното упориште на пучистите, изјави висок турски функционер кој додаде дека 1.563 припадници на војската се уапсени.

Во Истанбул животот полека се враќа но нормала, иако улиците се речиси празни, невообичаено за оваа метропола во саботен ден.