Носителот на листа на ВМРО-ДПМНЕ и Коалицијата на локалните избори, Даме Димитровски, е избран за претседател на Советот на Град Скопје. Димитровски беше предлог на советничката група на ВМРО-ДПМНЕ, која со Вреди имаат мнозинство во Советот и беше изгласан со 23 гласа „за“.

Советниците од СДСМ и Левица рекоа дека нема да гласаат за Димитровски.

Новиот претседател рече дека ќе биде глас на разумот и ќе работи Советот да ја врати довербата кај граѓаните. Најави итна седница наредната недела за ребаланс на буџетот.

Во Советот, ВМРО-ДПМНЕ има 18 советници, по 6 советници имаат Левица, Вреди и ДУИ, а СДСМ пет. По еден советник имаат коалицијата „Искуство за успех“, ЗНАМ и граѓанските листи на „Независни заедно“ и „Зелен хуман град“,

А. АНТЕВСКА