Попладневно изби пожар во атарите на струмичките села Водоча и Баница, во кој изгореа помошни објекти кои дел се користеле и како викендици, долгогодишни насади, камионска приколка, земјоделска механизација и друго. Од ветрот пожарот се разви во месноста Софилар, накај кој Струмица последниве години се шири.

Гореа повеќе хектари со сува вегетација меѓу населените места Баница, Водоча и градот, а кои пред десетина години се обработуваа.

Заради големината на пожарот, освен струмичктие пожарникари во гаснењето се вклучија и екипи од Валандово, Радовиш но и членови на добворволните друштва Струмица и Василево. Освен професионалните противпожарни бригади, во ганењето веа вклучени и од ЈПКД Комуналец но и од други институции како и голем број месно население.

Пожарникарите не дозволија да бидат зафатени првите куќи од Струмица.

Станува бор за предел од повеќе хектари со сува вегетација меѓу населените места Баница, Водча и градот Струмица кое пред десетина години се обработуваше.

В. ТРАЈКОВ