Страотна вечер поминаа летувалците од автокампот Крани крај Преспанското Езеро. Вчерашното невреме откорнуваше дрвја од корен, тие паднаа камп приколки, а летувалците се жалат дека едвај спасиле жива глава. Дел од паднатите дрвја паднаа и врз возила. Летувалците со солзи во очите раскажуваат дека невремето наликувало на ураган.

Големи штети има во земјоделието. Земјоделците велат дека водопад од дожд и град им ги уништи овоштарниците. Сите лисја и јаболка се паднати на земја.

Вчерашното невреме откорнуваше дрвја од корен, тие паднаа камп приколки, а летувалците се жалат дека едвај спасиле жива глава. (Фото: СДК.МК)

Од Центарот за управување со кризи велат дека луѓето кои престојувале во приколките се згрижени кај соседите. Нема повредени, а на терен се испратени припадници на МВР и пожарникари од Ресен кои работат на расчистување на патот.

Силно невреме вчера ги погоди и кампот Љубаништа на Охридското езеро и туристичката населба Трпејца.

Ж. ЗДРАВКОВСКА