Законот за волонтирање е стар повеќе од 15 години и неопходно е негово менување или надополнување, кажаа на денешното одбележување на 80 години од постоењето на Црвен крст.

„Ако се земе предвид динамиката на развојот на настаните во едно општество, можеме да кажеме дека Законот за волонтирање кај нас повеќе не е во функција на новите општествени барања“, рече генералниот секретар на Цревниот крст на Македонија, Саит Саити.

Тој смета дека со законските измени мора да се направи подобар амбиент за волонтираање и неопходно е волонтерите да добиваат подобро вреднување на нивниот труд кој не се плаќа, но како поттик за омасовување на волонтерството и поголемо ангажирање на волонтерите, тие треба да добиваат поголеми и посебни бенефиции.

Според Саити, тие како организација покренале иницијатива за менување на стариот Закон за волонтирање и очекуваат преку дебати и расправи на ниво на држава да се донесе ново законско решение кое ќе ги подобри условите не само за работа на волонтерите, туку и севкупно, на сите останати чинители во рамките на Црвниот крст на Македонија.

На денешното одбележување, Саити му додели плакета на ректорот на Универзитетот „Гоце Делчев“ во Штип, Дејан Мираковски, за соработката и активностите кои на студентите им создаваат чувство на помагање и поголема одговорност.

Т. ЈОВАНОВСКИ