Кои беа пратеници од Куманово во Собранието во овие 25 години, каков треба да е пратеникот и со што треба да се занимава, се темите во втората епизода од ТВ серијалот „Пратеник од доверба“.

„Прво што треба да направи пратеник кога ќе влезе во Собранието е да ги застапува интересите на работниците и на државата, а после на сѐ друго што треба“, вели еден кумановец.

ТВ серијалот „Пратеник од доверба“ е составен од прилози, снимени во шест града, од шесте изборни единици, Тетово, Куманово, Штип, Битола, Струмица и Охрид, со различни профили на соговорници, поранешни пратеници, граѓански активисти и јавни личности од културниот и спортскиот живот и има за цел да ја едуцира јавноста за значењето на функцијата пратеник и да се обезбеди подобра врска меѓу граѓаните и законодавниот дом и со тоа да се подобри квалитетот на претставничката демократија во Македонија.