Јане Мицевски, носител на советничката листа на ВМРО-ДПМНЕ во Општина Сопиште, е нов директор на депонијата „Дрисла“. Градоначалничката Данела Арсовска вчера го разреши од функцијата досегашниот в. д. директор Коста Начевски и на негово место за в. д. директор го постави Мицевски.

Мицевски за САКАМДАКАЖАМ.МК потврди дека од денеска е директор на депонијата и утрово било извршено примопредавањето на функцијата.

Град Скопје во јануари 2020, во времето на ексградоначалникот Петре Шилегов ја врати во владение депонијата „Дрисла“. Со тоа, после 9 години депонијата повторно се врати во сопственост на Град Скопје, откако во времето на ексградоначалникот Коце Трајановски беше дадена под концесија на италијанската фирма „ФЦЛ Амбиенте“.

А. АНТЕВСКА