Дневната потрошувачка на вода од градскиот водовод во Велешко стигна до 260 литри во секунда, што е за половина повеќе од редовната потрошувачка еден месец порано. Тоа е максималната вредност забележана деновиве, кога градот е под вршник.

Температурата според УХМР се движи над 40 Целзиусови степени и Велес е меѓу најтоплите градови во земјава, заедно со Демир Капија и Валандово. Во саботата во 15 часот биле измерени највисоките +41,2 степени.

„Деновиве, просечната потрошувачка на вода изнесува 230 л/сек, а максималната и до 260 л/сек. Во јуни. просечната потрошувачка на вода изнесуваше 180 л/сек“, информираа од ЈКП „Дервен“.

Оттаму ги потсетуваат потрошувачите за порационално и наменско користење на водата.

П. ПЕЧКОВ