Зафатот на водоводниот систем во Битола е одложен за в понеделник за да не остане градот без вода за време на денешната средба на македонскиот и српскиот претседател, Ѓорге Иванов и Томислав Николиќ. Битола денеска требаше да остане без вода неколку часа поради поголем зафат на водоводната мрежа, но работата на ЈП „Водовод“ е одложена за в понеделник поради билатералната средба

Исто така, битолчани во централното градско јадро денес нема каде да го фрлат ѓубрето , бидејќи сите контејнери се тргнати од безбедносни причини. Во обезбедувањето се вклучени полицајци од Битола, Прилеп, Демир Хисар и од други градови.

Српскиот претседател со хеликоптер го посети Кајмакчалан по повод стогодишнината од битката на Кајмакчалан, ги посети српските воени гробиша во Битола и имаше средба со Иванов.