Советничка падна откако попушти столот на кој седеша за време на вчерашната седница на општинскиот Совет на Битола. За среќа, таа помина без повреди. Советниците вчера изреагираа дека во последно време од советничките столчиња имаат паднато дури тројца, што укажаува на потребата од обнива на дел од инвентарот.

Советничката падна додека од говорницата зборуваше еден од советниците, па тој ѝ се обрати со име и ѝ рече „што направивме?“. Дел од советниците се смееја, а претседателката Габриела Илиевска рече дека не е смешно и може да биде трагично. Службениците од Советот ѝ дадоа друга столица на советничката.

Освен столчињата, на последните седници почнаа да откажуваат и микрофоните. Салата беше направена во времето на ексградоначалникот Владимир Талески кој беше на функцијата од 2005 до 2017.

Ж. ЗДРАВКОВСКА