Ликовната уметница Маргарета Спасов е именувана за директорка на Центарот за култура и Завод и Музеј Битола. Таа претходно не работеше во оваа установа, а од Министерството за култура за САКАМДАКАЖАМ.МК соопштија дека досегашниот директор Зоран Николовски бил вршител на должност (в. д. ), и по распишаниот конкурас избрано е ново лице кое ќе ја раководи институцијата.

Николовски како в. д. на чело на Завод и музеј Битола, инстутуција задолжена за заштита и промоција на културното богатство во Битола и околината, се задржа десет месеци. Тој ни изјави дека единствено му е жал што останaле недовршени проектите што ги започнал, како што се реновирањето на постојаната музејска поставка и спомен-собата за композиторот Кирил Македонски.

Во неговиот мандат ги отвори обновените спомен-куќи на народниот херој Стив Наумов и војводата Гоце Делчев, и Јени џамијата како музеј на христијанското и муслиманското културно наследство која долги години се истражуваше и реставрираше. Ја обнови сувенирницата, ја осветли фасадата на Заводот, започна со уредување на влезот, отвори дел од обновената музејска поставка девет дена пред да биде именуван дов директор.

Предизвика и бурни реакции во јавноста со палењето на коледарскиот оган во Пациото кое пред година и пол беше реконструирано со пару од ЕУ, како и со додавањето гради на плакатот за „Дамата од Милци“ во 3Д техника за изложбата на предисториските предмети „Првите кралеви на Европа“ што на 17 февруари се одржа во Битола.

Ж. ЗДРАВКОВСКА