Штипјани од 20  часот не можат да отворат прозорец затоа што од надвор се шири тешка и неподнослива миризба на чад кој го обвитка градот. Според информациите од Противпожарната единица во Штип, смрдеата доаѓа од чадот на опожарените подрачја на планината Серта, иако таа е на одалеченост од 15-30 километри.

„Мислиме дека димната завеса над Штип е дојдена по течението на реката Брегалница која минува во Криволачкиот Регион на Серта, а е носена од попладневниот дожд во регионот“, велат штипските пожарникари.

Општинскиот кризен штаб веднаш свика итна седница и според најавите од кабинетот на градоначалникот, во текот на ноќта ќе се разгледа која е причината и ќе се донесат мерки за надминување на состојбата.

Т. ЈОВАНОВСКИ