Велешката Општа болница набави нови апарати за гастроскопија и колоноскопија, инвестиција од сопствени средства, во висина од 50 илјади евра, соопшти директорот д-р Божидар Бојаџиев.

„Кабинетот за гастроскопија и колоноскопија е подготвен, набавена е опрема, најсовремени апарати. Веќе се работи со пациенти за гастроскопија, а наскоро и за колоноскопија. Тие се купени од средства на болницата.  Ќе нема потреба пациентите да патуваат во други градови, туку ќе може прегледите да ги извршат во Велес“, кажа д-р Бојаџиев.

Од Министерството за труд и социјална политика добиен е мобилен рендген апарат. Претходно беше објавено дека започна со работа компјутерскиот томограф и една година работи дигиталниот рендген апарат, донација од амбасада на Јапонија во Скопје.

П. ПЕЧКОВ