Со проекцијата на „Јас сум твојот човек“ на режисерката Марија Шрадер, в сабота (15 октомври) во 20 часот во Кинотеката на Македонија  почнуваат Деновите на германскиот филм. Германските филмови ќе се прикажуваат и во Тетово, Струмица, Штип и во Крива Паланка.

Меѓу другите ќе се прикажат и „Рабије Курназ против Џорџ В. Буш“, „Светот ќе биде поинаков“, „А И Е О У – Брзата азбука на љубовта“. Филмовите се прикажуваат со превод на македонски и албански јазик.

Фестивалот го организираат Германската амбасада, заедно со Кинотеката на Македонија, Центарот за Балканска соработка Лоја во Тетово и Европска куќа во Струмица и Крива Паланка.

Цената на влезниците за Кинотеката во Скопје е 100 денари, а во останатите градови влезот е бесплатен.