Оливија де Хавиланд, една од последните преостанати ѕвезди од златното доба на Холивуд, почина на 104 години.

Таа сними повеќе од 50 филмови во кариерата што се протегна низ шест децении и беше последниот жив член на актерската екипа на „Однесено од виорот“ од 1939 година. Од петте номинации, Оскар освои во 1947 и 1950 година.

Де Хавиланд живееше во Париз од 1960-ите години и имаше една од централните улоги во менувањето на системот на холивудските студија, што им донесе подобри договори на актерите.

Нејзиниот бурен однос со сестрата Џоан Фонтејн, исто така славна актерка и оскаровка, е еден од најпознатите и најдолговечни конфликти во историјата на Холивуд и тие не се смирија до нејзината смрт.