Американскиот режисер Демиен Шазел ќе биде претседател на жирито за Златен лав на Венецискиот филмски фестивал, соопштија организаторите. Шазел доби Оскар за филмот „Ла-ла ленд“, а ги сними и „Ритамот на лудилото“ и „Првиот човек“.

Два филма на Шазел, кој е и сценарист и продуцент, го отворија Фестивалот, „Ла ла ленд“ во 2016 и „Првиот човек“ во 2018.

„Почестен сум и пресреќен што ме поканија да бидам на чело на годинашното жири“, изјави тој.

Осумдесеттото издание на фестивалот ќе се одржи од 30 август до 9 септември, а официјалната селекција ќе биде објавена во јули.