Полжави во вредност од 90.000 евра се украдени од фарма во северна Франција која снабдува луксузни ресторани. Од фармата во градот Бузи кажаа дека им е украдена целата залиха на свежи и замрзнати полжави, што го опишаа како голем удар пред празничната сезона.

Крадците ја исекле оградата од фармата и провалиле во нејзините објекти, објави сајтот „Франсинфо“.

„Овој инцидент е шокантен и неразбирлив за нас, вистински удар за целиот тим. Се трудиме најдобро што можеме да ги надополниме нашите залихи за да ве задоволиме за празниците“, соопшти фармата, која снабдува ресторани со „мишелин“ ѕвезди и приватни клиенти.

Ескарго е француски деликатес кога полжавите обично се готват во путер од лук или вино, пред да се извлечат од нивната школка.

„Тоа беа моите залихи за крајот на годината. Ја имавме вистинската количина за да ги поминеме празниците без никакви грижи“, кажа Жан-Матје Доверњ, менаџерот на фармата.