Владата на Перу тврди дека во оваа држава живее најстариот човек на светот, откако Марселино Абад од централниот регион Хуануко го прослави 124. роденден. Ако ова се покажа точно, Абад би бил не само најстариот човек на светот во моментов, туку и независно потврден најстар човек на сите времиња.
„Во мирот на флората и фауната на Хуануко, Марселино Абад Толентино или Машико развил здрав начин на живот и внатрешен мир. Тоа му овозможило да помине 12 декади од животот и на 5 април да го прослави 124. роденден“, соопшти владата.
Перуанските власти кажаа дека ќе му помогнат на Абад да аплицира за Гинисов рекорд.
„Гинисова книга на рекорди прима многу апликации од поединци кои тврдат дека се најстара личност на светот“, изјави портпаролот на оваа организација.
Како најстар човек на светот моментално се води 111-годишниот Британец Џон Тинисвуд, додека најстара потврдена личност во историјата имала 122 години.
Абад живеел повлечено сѐ додека перуанската влада не го идентификувала во 2009, по што му дала документи и пензија.
