Дејв Мајерс, една половина од популарното готвачко дуо Хери Бајкерс (The Hairy Bikers), почина на 66 години, две години откако откри дека му е дијагностициран рак. Мајерс се прослави како член на ова ТВ-дуо, што го основа со Сај Кинг пред 20 години.

Препознатливи по своите бради, Мајерс и Кинг патуваа со мотоцикли низ Велика Британија и светот, готвејќи јадења од различни региони.

„Ќе ми недостига секој ден, како и врската и пријателството што ги делевме половина од нашите животи“, изјави Кинг.

Мајерс работел како шминкер кога го запознал Кинг во 1995 додека работел на една ТВ-серија. Првпат се појавија заедно на телевизија во 2004 и подоцна снимија уште неколку патувачко-готвачки серии и објавија повеќе од 25 книги за готвење.