Виенската филхармонија на 31 мај ќе го свири едно од најпознатите дела на Јохан Штраус, „На убавиот син Дунав“, а концертот ќе биде пренесуван на сондата „Војаџер 1“ во вселената.

Антената на Европската вселенска агенција во Шпанија ќе ја пренесе познатата мелодија, изјави Норберт Кетнер, шеф на Одборот за туризам во Виена. Оркестарот ќе го свири делото во градскиот Музеј за применета уметност.

Кога беше лансирана во 1977, сондата носеше 27 музички снимки од композитори, меѓу кои и Бах, Бетовен и Моцарт, но не и валцерот на Штраус, кој стана неофицијална мелодија за вселената по научно-фантастичниот филм на Стенли Кјубрик „2001: Одисеја во вселената“. „Војаџер 1“ има позлатен аудио-визуелен диск, на кој има фотографии и информации за Земјата, како и разни снимки.

Настанот е дел од годинашната кампања за виенскиот туризам по повод 200 години од раѓањето на Штраус. Европската вселенска агенција на 31 мај ја прославува 50-годишнината од основањето.

„Војаџер 1“ и „Војаџер 2“ сега се оддалечени околу 25 милијарди километри од Земјата.