Полицијата под раководство на Обвинителството за организиран криминал и корупција (ОЈО ГОКК) ноќеска го уапсила Бујар Дардишта, ексдиректор на повеќе важни државни институции во време на 20-годишното владеење на ДУИ. Се сомничи за перење пари.

Се вршат претреси на повеќе локации во Скопје и во Куманово. Заедно со Дардишта се уапсени уште неколку лица.

Дардишта е најпознат како директор на Управата за водење на матични книги, кога имаше рекорден број на згрешени изводи на родени, на умрени, како и изводи на венчани. Подоцна беше именуван и за управител во ЕСМ Дистрибуција.

Дардишта, исто така, беше познат по големиот број вработени членови од семејството во администрацијата.

Од ОЈО ГОКК велат само дека акцијата се спроведува под раководство на јавен обвинител, а во неа учествуваат полициски службеници од Одделот за сузбивање на организиран и сериозен криминал при Бирото за јавна безбедност на МВР.

С. К. ДЕЛЕВСКА