Битолските антивладини демонстранти вечерва пред зградата на општината ставија кукла со ликот на градоначалникот Владимир Талевски. Кукла е со пелена и со врзан сапун околу вратот. Демонстрантите скандираат: „Готов си за в затвор!“ и на неа редат брошеви со ликот на Никола Груевски.
Симболиката на куклата е дека битолчани ќе го испратат градоначалникот кој е помилуван од претседателот а осомничен за криминал од СЈО искапен во затвор. Затоа и му ставиле сапун околу вратот.
Протестот е многу бучен и со многу чад, оти демонстрантите користат пиротехника за да не може штотуку избраниот министер за внатрешни работи Митко Чавков да им ги препознае лицата на снимките од камерите на полицијата.
