Претседателот на Република Македонија Ѓорге Иванов му го врачи мандатот за составување на нова влада на лидерот на ВМРО-ДПМНЕ Никола Груевски.
Мандатарот Груевски според Уставот, за 20 дена треба да му поднесе на Собранието состав на нова влада и програма за работа. За новата влада треба да гласаат мнозинство гласови од вкупниот број пратеници во Собранието(61).
Собранието се конституираше на 30 декември минатата година. Коалицијата предводена од ВМРО-ДПМНЕ доби 51, Коалицијата предводена од СДСМ има 49 мандати, ДУИ- 10, Беса – 5, и Алијанса за Албанците – 3 и ДПА – 2.
ДУИ, Движење Беса и Алијанса за Албанците на Божиќ, донесоа заедничка политичка платформа, со која ќе настапат во преговорите за учество во новата влада.
