Гувернерката на Народната банка Анита Ангеловска-Бежоска на денешната прес-конференција за економските мерки за помош на стопанството за време на епидемијата на КОВИД-19 кажа дека макроекономската состојба во државата е стабилна во услови на ниска инфлација, високи девизни резерви и силен банкарски сектор.
„Имаме девизни резерви од 3 милијарди евра, двојно повеќе од нивото во 2008 година кога почна светка економска криза. Не постои апсолутно никаков ризик по стабилноста на девизниот курс“, кажа Ангеловска-Бежоска.
Таа рече дека банките ќе продолжат да работат, но апелираше граѓаните да ги избегнуваат експозитурите за да си го заштитат здравјето и побара од граѓаните повеќе да користат електронско банкарство.
