Специјалната обвинителка Катица Јанева заедно со обвинителката од нејзиното обвинителство Ленче Ристоска и еден истражител, се во просториите на Основниот суд Скопје 1 во предистражна постапка против експретседателот на судот Владимир Панчевски.

Според извори од судот, се работи за сомнеж за оддавање на службена тајна, од страна на Панчевски и уште две лица од Кривичниот суд, кои не биле судии. СЈО не открива за што точно се работи.

Од судот потврдуваат дека Јанева и тимот разговарале околу пладне со Панчевски, а потоа и со уште двајца вработени. Во моментов, велат се кај в.д. претседателот Стојанче Рибарев.

С. К. ДЕЛЕВСКА