Вицепремиерот, министер за надворешни работи и пратеник Никола Попоски на враќање од Америка отиде да го гледа синоќешниот фудбалскиот натпревар во Вадуц меѓу домаќинот Лихтенштајн и Македонија, јавија локалните медиуми.

Попоски, кој беше во Вашингтон на самит посветен на борбата против терористичката група Исламска држава и таму се ракуваше со државниот секретар Рекс Тилерсон, вчера се сретна со колешката од Лихтенштајн Аурелија Фрик. Го посети и Националниот музеј во Вадуц и потоа заедно со Фрик го гледаа натпреварот од квалификациите за Светското првенство во Русија 2018 година.

Македонија победи со 3:0 и тоа беше прва победа на тимот на Игор Ангеловски во петтиот меч во квалификациите.