Директорката на Управата за јавни приходи (УЈП) Елена Петрова тврди дека нема проблеми и застој во исплатата на повратот на ДДВ кај граѓаните. Иако е 28 февруари, дел од граѓаните уште немаат добиено пари од скенираните сметки.

„Нема застој. Прво треба да заврши обработката на даночните пријави за кварталот кои се поднесени до 25 јануари, после почнува исплатата“, рече Петрова.

Од службите во УЈП дополнија дека можно е да има застој, бидејќи ако еден граѓанин ја згасне сметката тогаш назад се враќаат 8.000 налози.

„Може затоа стигнавме до крајниот рок, но во секој случајм граѓаните ќе ги добијат парите”, додадоа од УЈП.

А. АНТЕВСКА