Основното јавно обвинителство за гонење на организиран криминал и корупција отвори истрага против поранешен и актуелен директор на НЛБ Тутунска Банка, поранешен министер, адвокат, нотар и други лица, како и едно лице државјанин на Република Словенија за кривичните дела злоупотреба на службена положба и овластување и перење пари, соопшти Јавното обвинителство на Марко Зврлевски.

Според ОЈО, постојат сомненија дека во периодот од 2006 до 2017 година биле преземани дејствија за основање на фирми, подигање на кредити и пренесување на парични средства во Словенија и во австриски фирми, а потоа дел од средствата се инвестирани во основање на нови фирми и купување на недвижен имот на подрачјето на град Битола.