По повеќечасовната презентација на видеоснимките како доказ за свирепите убиства на Панче Жежовски од Велес и на Вања Ѓорчевска од Скопје, обвинителките покажаа во судница дел од фото-документацијата со докази и меѓу нив, неколку со безживотното тело на Панче кој беше најден мртов на трети декември 2023 година.

Беше убиен на 22.11.2023 година.

Тоа беше на крајот на денешното рочиште и по овИе фотографии, никој не остана рамнодушен.

По ова, судијата Ивица Стефановски го заврши денешното рочиште.

Цел ден се презентираа материјални докази за свирепите убиства на 14-годишната Вања Ѓорчевска и на Панче Жежовски во ноември 2023 година за кои се обвинети Љупчо Палевски, Велибор Манев, Боре Видевски и Влатко Кешишев, денеска во Кривичниот суд Скопје продолжи со емитување прибавени видеоснимки за движењето на таткото на Вања.

Откако во детали ги прикажаа движењата на возилата “ситроен” и “рено кангу” пред киднапирањето на Вања, по киднапирањето, по нејзиното убиството, палењето на “цитроенот”, до враќањето во седиштето на партијата на Палчо, “Десна”, обвинителките пуштија снимка и за таткото на Вања.

Во 9.14 часот е забележан таткото на Вања, обвинетиот Александар Ѓорчевски како по исчезнувањето на Вања, поминува пред хотелот “Александар Палас”, каде што околу 7.40 истото утро на 27.11.2023 година помина “цитроенот” во чиј гепек беше присилно ставена неговата киднапирана ќерка. Таа набргу по киднапирањето беше свирепо убиена, а ја ликвидирал првообвинетиот Љупчо Палевски.

Според обвинението, тој и сообвинетите Боре Видевски, Велибор Манев и Влатко Кешишев, се обвинети дека прво го киднапирале и убиле Панче Жежовски за да му го земат стариот авто обил “цитроен”. Потоа со ова возило ја киднапирале Вања и по нејзиното убиство само два часа откако беше киднапирана, возилото на Панче беше запалено.

Според обвинението, монструозните кривични дела обвинетите ги сториле од користољубие, за изнуда на пари од мајката на Вања. Обвинителството докажува дека таткото на Вања кој е разведен од сопругата, мајката на Вања, е вмешан во планот за изнуда на пари од екссопругата.

Потоа обвинителките прикажуваа снимки од Велес, на кои се гледа како “реното кангу” на 22.11.2023 година поминува накај куќата на Панче.

Кај 10 часот се гледа и како се движи неговото возило “цитроен”. Набргу Панче ќе биде ликвидиран, а обвинетите колата ќе му ја земат.

Кај 10.15 часот на снимка се гледа како прво вози “рено кангуто”, а веднаш по него “ситроенот” на Панче Жежовски. Го носат да го убијат.

Во следна видеоснимка колата на убиениот Панче веќе го напушта Велес, во правец кон Скопје.

Потоа беа презентирани фотографиите од местото Речани, велешко, каде што беше најден мобилниот телефон, а потоа и од мртвиот Панче.

С. К. ДЕЛЕВСКА

• ОД БРАЗДА, КАДЕ ШТО БЕШЕ НАЈДЕНА ВАЊА, ОБВИНЕТИТЕ СО „РЕНОТО“ ДИРЕКТНО ОТИШЛЕ ВО СЕДИШТЕТО НА ПАРТИЈАТА „ДЕСНА“
• ЕДЕН ЧАС ПОРАНО ДОЈДЕНИ СО „СИТРОЕНОТ“ НА ЖЕЖОВСКИ, ОБВИНЕТИТЕ ЈА ЧЕКАЛЕ ВАЊА ДА ИЗЛЕЗЕ НАКАЈ УЧИЛИШТЕ ЗА ДА ЈА ГРАБНАТ
• ОД КАМЕРИТЕ НА „БЕЗБЕДЕН ГРАД“ СЕ ГЛЕДА КАКО ВОЗИЛОТО СО КОЕ Е ГРАБНАТА 14-ГОДИШНАТА ВАЊА ЃОРЧЕВСКА ПРЕКУ ПАРКИНГОТ КАЈ ХОТЕЛ „СИТИ ПАРК“ СЕ ПАРКИРА ПРЕД НЕЈЗИНАТА ЗГРАДА, ПОКАЖА ОБВИНИТЕЛСТВОТО
• ВАЊА КЛЕЧЕЛА НА КОЛЕНА КОГА Ѝ БИЛО ПУКАНО ВО ГЛАВАТА ОДЗАДИ, ЧИТАШЕ ОБВИНИТЕЛСТВОТО ДОКАЗИ ВО СУД
• НА КАМЕРИТЕ ОД „БЕЗБЕДЕН ГРАД“ МАЖ КОЈ ЛИЧИ НА ПАЛЕВСКИ ГО ВОЗЕШЕ „РЕНОТО“ КОЕ БЕШЕ НА МЕСТОТО КАДЕ БЕШЕ ЗАПАЛЕН „ЦИТРОЕНОТ“ СО КОЈ БЕШЕ ГРАБНАТА ВАЊА, КАЖА СВЕДОК ОД МВР
• ПАЛЧО МИ ГО ДАДЕ ПИСМОТО СО СМЕНЕТА ИЗЈАВА ДЕКА НЕ ЈА УБИЛ ВАЊА ДА ГО НАПИШАМ СО МОЈ РАКОПИС, РЕЧЕ КЕШИШЕВ
• КУМАШИНКАТА НА СЕМЕЈСТВОТО ЃОРЧЕВСКИ, КИРАЦА ТРАЈКОВСКА, СВЕДОЧЕШЕ КАКО ТАА ПРВА ГИ ПОВРЗАЛА ИСЧЕЗНУВАЊАТА НА ПАНЧЕ И НА ВАЊА
• ВЕДНАШ ШТОМ ДОШОЛ ВО ТУРЦИЈА, ПАЛЕВСКИ Ѝ КАЖАЛ НА НАШАТА ПОЛИЦИЈА ДЕКА Е ТАМУ ПРЕКУ ТЕЛЕФОНОТ НА АДВОКАТОТ
• ПРИЈАТЕЛИ НА ПАЛЧО СВЕДОЧЕА ДЕКА ВО НЕГОВАТА СПАЛНА СОБА ВИДЕЛЕ ЦРН ПИШТОЛ ВО ФУТРОЛА И РАДИОСТАНИЦИ ЗА КОМУНИКАЦИЈА
• ВЕЛИБОР И БОРЕ РЕКОА ДЕКА ТАТКОТО НА ВАЊА МУ КАЖАЛ НА ПАЛЧО КОГА ДЕВОЈЧЕТО ЌЕ ИЗЛЕЗЕ САМО, СВЕДОЧЕШЕ ПОЛИЦИСКИ НАЧАЛНИК
• КОГА ЈА НАЈДОВМЕ ВАЊА, РАЦЕТЕ И НОЗЕТЕ Ѝ БЕА ВРЗАНИ СО СТЕГА, А НА УСТАТА ИМАШЕ ЛЕНТА, СВЕДОЧИ ПОЛИЦИСКИ НАЧАЛНИК
• ВЕЛИБОР НИ КАЖА ДЕКА ПАЛЕВСКИ ПУКАЛ СО ПИШТОЛ ВО ТИЛОТ НА ПАНЧЕ, СВЕДОЧЕШЕ ЕКСНАЧАЛНИКОТ НА СВР ВЕЛЕС