Од 01 часот по полноќ цената на бензинот ќе се намали за 2,5 денари за литар за Евросупер БС-95 и за 3 денари за Евросупер БС-98, а не се менува цената на дизелот, соопшти Регулаторната комисија за енергетика (РКЕ).

Максималните цени на нафтените деривати ќе изнесуваат: 84 денари за литар Евросупер БС-95 и 85,50 денари за литар за Евросупер БС-98.

Малопродажната цена на Екстра лесното масло за домаќинство на (ЕЛ-1) се зголемува за 0,50 ден/лит, додека малопродажната цена на Мазутот М-1 НС се намалува за 0,663 ден/кг и сега ќе изнесува 50,410 ден/кг.

Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, велат од РКЕ.