Германската амбасада во Скопје отвори книга за сочувство по повод терористичкиот напад во Берлин во понеделникот во кој загинаа 12 луѓе. Граѓаните ќе имаат можност да го изразат своето сочувство во просториите на германската Амбасада денеска и утре од 09:00 до 16:00 часот, а на 23 декември 2016 година од 09:00 до 12:00 часот.

Во понеделникот вечер, камион се втурна во божикниот панаѓур во Берлин и покрај 12-мината загинати, има и 50-тина повредени. Германската полиција се уште трага по извршителите на нападот, а осомничен е 21-годишен Тунижанец, кој се уште е во бегство.