Тројца навивачи на навивачката група „Шверцери“ се приведени во полициска станица, велат од Министерството за внатрешни работи откако на фудбалскиот натпреварот Шкупи-Шкендија се случи тепачка.

Инцидентот се случи во деветтата минута кога екипата на Шкендија постигна гол и поведе со 1:0 против домаќинот Шкупи. Додека играчите на Шкендија се радуваа на голот на терен почнаа да влегуваат дел од навивачите на гупата  „Шверцери“, ги напaднаа и ги тепаа играчите на гостинскиот тим.

Настана општ хаос на теренот во Чаир, домашните играчи сe обидуваа да ги одбранат играчите на противникот. Веднаш интервенираше полицијата и специјалците кои го обезбедуваа натпреварот. Натпреварот беше прекинат и не се доигра.

Натпреварот меѓу Шкупи и Шкендија беше четвртфинале на Купот на Македонија. Фудбалската федерација на Македонија го регистрираше натпреварот со службен резултат 3:0 за Шкендија и го суспендираше стадионот на Шкупи.

А. АНТЕВСКА