ХОЛИВУДСКАТА ЅВЕЗДА РАСЕЛ КРОУ СЕ НАДЕВА ДЕКА ЌЕ УСПЕЕ ДОГОВОРОТ МЕЃУ ГРЦИЈА И МАКЕДОНИЈА

    ХОЛИВУДСКАТА ЅВЕЗДА РАСЕЛ КРОУ СЕ НАДЕВА ДЕКА ЌЕ УСПЕЕ ДОГОВОРОТ МЕЃУ ГРЦИЈА И МАКЕДОНИЈАСлавниот актер е на одмор во Италија и твитна за договорот за името од Фиренца. (Фото: Дејли Мејл)

    Холивудската ѕвезда Расел Кроу вели дека ги сака Грција и Македонија и се надева дека ќе успее договорот за името.

    54-годишниот Австралиец е на одмор во Италија и твитна за договорот за името што вчера го постигнаа премиерите Зоран Заев и Алексис Ципрас.

    „Случајни мисли од Фиренца… Ја сакам Грција. Ја сакам Македонија. Се надевам дека сè ќе заврши како што треба“, напиша Кроу за социјалната мрежа.

    Кроу, кој е роден во Нов Зеланд, се прослави со улогата на римскиот генерал Максимус во филмот „Гладијатор“ на Ридли Скот, за кој Кроу доби Оскар за најдобар актер во 2000 година.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари