Оваа недела се регистрирани за 2.726 нови случаи на заболени од грип, што е за 5,3 проценти помалку во однос на претходната недела. Споредено со лани истиот период, бројот е зголемен за 97 проценти. Најголем број заболени има во Скопје, односно 616 лица.

„Оваа сезона бројката е значително поголема со заболените од грип лани. Во сезоната 2024/2025 вкупниот број на заболени е 14.340, а минатата сезона имало 11.921 заболен“, рече директорката на Институтот за јавно здравје (ИЈЗ) Марија Андонова на денешната прес-конференција.

Од Институтот за јавно здравје апелираат да се избегнуваат собири, да се проветруваат просториите, да се носат маски, децата кои се болни да не одат на училиште, а возрасните да не одат на работа и да се избегнуваат контакти со блиски членови на семејството.

Како што кажа Андонова, не е регистриран смртен случај.