На судењето за грабнувањата и убиствата на Панче Жежовски и Вања Ѓорчевска продолжи сведочењето на обвинетиот Влатко Кешишев, за кого обвинителката откри дека првообвинетиот Љупчо Палевски му бил запишан во телефонскиот именик како „Царот“.

„Тоа значи дека слушате сѐ што ќе ви каже и нареди Палчо“, праша обвинителката.

„Да“, одговори Кешишев.

Обвинителката потоа за Кешишев рече дека според изготвеното психијатриско вештачење од вешто лице, дадено е мислење дека станува збор за психички здрава личност со уредна интелигенција, поради што може да заклучи дека свесно и доброволно ги преземал сите дејствија.

„Не баш свесно, по навика му бев послушен оти ми кажа да седам на страна“, искоментира Кешишев.

„Како се согласивте да работите без пари кога зад вас сте имале преголемо искуство како готвач во Германија, Швајцарија, Хрватска. Логично ли беше да не примате никаков надомест за повеќе години ангажман во партијата“, праша обвинителката.

„Јас прифатив од патриотски аспект да помогнам колку можам бидејќи имаше локдаун и сакав во партијата да помогнам колку можам, пици, сендвичи да правам“, одговори сведокот и обвинет.

„Тоа значи дека од октомври 2021 година до крајот на 2023 година вие живеевте без пари“, потпраша обвинителката.

„Да. Имавме помош од членови, симпатизери, секогаш беа платени телефоните и интернетот. Секогаш имавме храна и тутун секогаш“, потврди Кешишев.

Обвинителката го праша Кешишев дали видел кај Палевски пиштол во седиштето на партијата.

„На почетокот, да. Неговиот пиштол што му беше одземен кај Демир Капија. Откако му го одземаа, друг пиштол не сум видел“, одговори Кешишев.

„Го споменавте настанот кога му е одземен пиштолот кај Демир Капија. И тогаш баравте злато“, праша обвинителката.

„Да. И таму беше Вељо. Нѐ натера сите да одиме таму да бараме злато во една пештера“, рече сведокот.

Но, не нашле злато, според сведочењето.

„Не. Таму влегоа во пештерата Боре и Вељо. А јас и Палчо седевме покрај реката, имаше и железничка пруга, тука поминуваше и возот. Таму запаливме цигаре и ги чекавме да излезат. Во меѓувреме дојде полиција. И нѐ прашаа што правиме таму, во тој момент излегоа Боре и Вељо, нив ги претресоа, го најдоа пиштолот на Палчо и тој рече дека е негов. После отидовме во Неготино, во полициска станица, Палчо влезе да даде изјава за пиштолот и се вративме за Скопје“, раскажа Кешишев.

Судењето е во тек. Освен Кешишев и Палевски, обвинети се уште Боре Видевски и Велибор Манев, кои веќе сведочеа. Обвинет е и таткото на Вања, Александар Ѓорчевски.

С. К. ДЕЛЕВСКА

• ЗА ВАЊА МИ РЕКОА ДА СЕДАМ НАСТРАНА И ДА НЕ СЕ МЕШАМ, СВЕДОЧИ ВЛАТКО КЕШИШЕВ
• КОПАВ И ЈАС ДУПКА НАД ВЕЛЕС, МИСЛЕВ ДЕКА БАРАМЕ ЗЛАТО, НО ВЕЛИБОР МИ КАЖА ДЕКА Е ЗА КИДНАПИРАЊЕ ЛУЃЕ И АКО ЗБОРАМ, ЌЕ ЛЕТААТ ГЛАВИ, СВЕДОЧИ ВЛАТКО КЕШИШЕВ
• ПОРАДИ СТРАВ НА ОБВИНЕТИОТ ВЛАТКО КЕШИШЕВ, ОД СУДНИЦАТА ОТСТРАНЕТ ЉУПЧО ПАЛЕВСКИ
• ПАЛЧО МУ РЕКОЛ НА БОРЕ ВИДЕВСКИ ДА ПОМИНЕ ВРЕМЕ, ЌЕ БАРААТ ОТКУП ЗА ВАЊА, ИАКО Е УБИЕНА, СВЕДОЧЕЛ ТОЈ ПО АПСЕЊЕТО, ЗА НА СУДЕЊЕ ДА КАЖЕ ДЕКА НЕМА ВРСКА СО УБИСТВАТА И СЀ РЕКОЛ ПОД ПРИСИЛА
• КАРАТИСТОТ БОРЕ ВИДЕВСКИ ЧИЈА ДНК СПОРЕД ОБВИНИТЕЛСТВОТО БИЛА НАЈДЕНА НА ВАЊА, НЕГИРА КАКВА БИЛО ПОВРЗАНОСТ СО УБИСТВАТА
• СУДИЈАТА ГО ИСПРАШУВАШЕ ВЕЛИБОР МАНЕВ КОЈ СЕ БРАНИ ДЕКА САМО САКАЛ ДА КИДНАПИРА ЛУЃЕ И ДА ГИ ДРЖИ ЗАТВОРЕНИ ВО ДУПКА ПОД ЗЕМЈА, А НЕ ДА ГИ УБИВА
• ПРАШАЈТЕ ГО ПАЛЕВСКИ ЗОШТО Е УБИЕНА ВАЊА, СВЕДОЧИ ОБВИНЕТИОТ МАНЕВ
• ПАЛЧО ИСПУКА КУРШУМ ВО ДЕТЕТО И ОТИДЕ ДО КОЛАТА, ИЗВАДИ КОПАЧ, ЛОПАТА И АШОВ, СВЕДОЧИ ОБВИНЕТИОТ ВЕЛИБОР МАНЕВ
• ПРЕД ДА ЈА ГРАБНАТ ВАЊА, ПАЛЧО ПРВО САКАЛ ДА ГО КИДНАПИРА ДИРЕКТОРОТ НА ГРАНИТ, А ПОТОА 38-ГОДИШНА ЌЕРКА НА СОПСТВЕНИК НА ВЕЛЕДРОГЕРИЈА
• НА ПРВИТЕ РЕЧЕНИЦИ ОД СВЕДОЧЕЊЕТО НА МАНЕВ ЗА НАЧИНОТ НА ГРАБНУВАЊЕ НА ВАЊА, НА ТАТКОТО ЃОРЧЕВСКИ МУ СЕ СЛОШИ, СУДИЈАТА ДАДЕ ПАУЗА
• ДОДЕКА ГО СПРЕМАВ ЖЕЖОВСКИ ЗА ВО ДУПКАТА, ПАЛЕВСКИ ОДЕДНАШ МУ ПУКНА ВО СЛЕПООЧНИЦАТА И МИ КАЖА: „ВАКА Е ПОЧИСТО!”, СВЕДОЧИ ВЕЛИБОР МАНЕВ
• ПАЛЕВСКИ ГИ НАТЕРАЛ ДРУГИТЕ ОБВИНЕТИ ДА ИСКОПААТ ДУПКИ НАД ВЕЛЕС ЗА КИДНАПИРАЊЕ ЛУЃЕ, ЗА ДА ГИ СТАВААТ ВНАТРЕ СО ВРЗАНИ ТЕГОВИ НА НОЗЕТЕ, СВЕДОЧИ ВЕЛИБОР МАНЕВ