Пратениците ќе одмораат пет дена, откако претседавачот на Собранието Трајко Вељаноски го закажа следното продолжение на конститутивната седница за вторник во 11 часот на крајот од денешната расправа.

И денеска, 12. продолжение на маратонската седница помина без напредок. Собранието останува заглавено на третата точка од дневниот ред за избор на Комисијата за избори и именувања.

Пратениците повторно дебатираа за тиранската платформа, нови избори, законот за употреба на јазиците, Охридскиот рамковен договор и за правата и за обврските што произлегуваат од него.

Од 51 пратеник пријавен за збор за точката на дневен ред, остануваат уште 44.