Владата на вчерашната седница му одобри на Министерството за здравство да почне јавна набавка на мамографи во вредност од 85 милиони денари или 1,38 милиони евра. Оваа јавна набавка како што соопшти Владата треба да се реализира 2019, 2020 и 2021 година.

Министерството за здравство вели дека со овие средства е предвидено да се набават 8 мамографи, кои ќе бидат распределени според потребите на здравствените установи.

„Два сигурно ќе бидат распоредени во Скопје, а останатите во поголемите градови, како што се Струмица, Тетово“, велат од Министерството за здравство.

Од Министерството за здравство велат дека со оваа набавка ќе го намалат времето за чекање за снимање на мамограф, што е една од дијагностичките процедури за откривање рак на дојка.