Управата за јавни приходи (УЈП) за месец и половина спровела контроли кај 883 угостителски објекти, при што една третина од објектите биле казнети бидејќи не издавале фискални сметки.

„Во јуни и јули утврдени се неправилности кај 294 субјекти за кои се издадени налози за глоби. 212 глоби се за неиздавање фискални сметки, 49 глоби за неводење книга за дневни финансиски извештаи, 20 глоби за фискални сметки без пропишани елементи, 8 глоби за нерегистрирана резервна фискална апаратура, 2 глоби за неисправен фискален апарат, и по една глоба за неиздавање парагон-блок, некористење одобрен фискален апарат и неводење итна сметководствена книга“, велат од УЈП.

Контролите биле кај субјекти кои вршат дејност во туристички места и локации со зголемена фреквенција на посетители, како што се угостителски објекти, аква – паркови, плажи, базени и објекти за изнајмување спортско-рекреативна опрема.