Обвинетиот Влатко Кешишев, кој на минатото рочиште кажа дека се плаши од првообвинетиот Љупчо Палевски да сведочи за грабнувањата и убиствата на Панче Жежовски и Вања Ѓорчевска, денеска одговара на прашања токму од него.

Но, Кешишев не стои на пултот за сведочење, туку седи во судницата, завртен со грб, додека Палевски одзади му поставува прашања. 

Иако Палевски го персира и го прашува полека, Кешишев од некоја причина на моменти трепери, се забележува и по гласот.

Палевски рече дека има 97 прашања вкупно.

Палевски почна со тоа дали некогаш му се заканувал или лошо се однесувал кон него или дали евентуално му се заканувал на третиот обвинет Велибор Манев, на што Кешишев негираше.

Потоа Палевски имаше блок прашања кон Кешишев во врска со сведочењето на Манев, кој за разлика од четвртиот обвинет, каратистот Боре Видевски, призна и опиша сè, никого не поштеди, а најмалку себеси, но за организатор на киднапирањата и за егзекутор на велешанецот Панче Жежовски (74) и на 14-годишната Вања Ѓорчевска од Скопје, го посочува Љупчо Палевски.

Кешишев на пола од прашањата кажа „не знам”.

Не сведочеле уште Палевски и таткото на Вања, обвинетиот Александар Ѓорчевски.

Според досегашните сведочења, Велибор Манев и Влатко Кешишев признаа сè во обвинението, кажувајќи дека Палевски е мозокот на грабнувањата и извршител на свирепите убиства, а Боре Видевски и Љупчо Палевски негираат каква било поврзаност со делата.

Палевски го праша Кешишев зошто кажал дека пиштолот со кој е убиена Вања бил во синиот ранец заедно со „мотороли“ и друга опрема.

„Претпоставував дека е внатре, зашто ќе се гледаше ако е на него”, одговори Кешишев, кој тврди дека по тапиот истрел кај скопското село Бразда на 27.11.2023 година со кој беше убиено девојчето Вања, тој го видел Палевски како држи пиштол во раката.

„Ааа, претпоставувате значи”, се насмевна Палевски.

„Дали при претресот пребаруваа во кујната каде што ги чувавте вашите работи? Дали видовте дека изнесуваат мачета и пиштол ‘берета’”, праша Палевски.

„Претресуваа од подрум до покрив, целата куќа. Не видов дека се изнесени мачета и ‘берета’”, одговори Кешишев завртен со грбот, со дозвола на судијата.

„Кажавте сум ви дал лист во комбето за спровод за да ја препишете содржината дека не сум виновен. Каде е тој лист што сум ви го дал?”, праша Палевски.

„Го препишав, го потпишав и го скинав од страв. Го фрлив”, одговори Кешишев кој додаде дека потоа побарал повеќе да не биде во исто комбе за спровод од притвор, до судот на судење заедно со Палчо.

С. К. ДЕЛЕВСКА

• СЛУШАМ СЀ ШТО ЌЕ МИ НАРЕДИ ПАЛЧО, СВЕДОЧИ КЕШИШЕВ КОМУ ПАЛЕВСКИ ВО ТЕЛЕФОНОТ МУ Е ЗАПИШАН КАКО „ЦАРОТ“
• ЗА ВАЊА МИ РЕКОА ДА СЕДАМ НАСТРАНА И ДА НЕ СЕ МЕШАМ, СВЕДОЧИ ВЛАТКО КЕШИШЕВ
• КОПАВ И ЈАС ДУПКА НАД ВЕЛЕС, МИСЛЕВ ДЕКА БАРАМЕ ЗЛАТО, НО ВЕЛИБОР МИ КАЖА ДЕКА Е ЗА КИДНАПИРАЊЕ ЛУЃЕ И АКО ЗБОРАМ, ЌЕ ЛЕТААТ ГЛАВИ, СВЕДОЧИ ВЛАТКО КЕШИШЕВ
• ПОРАДИ СТРАВ НА ОБВИНЕТИОТ ВЛАТКО КЕШИШЕВ, ОД СУДНИЦАТА ОТСТРАНЕТ ЉУПЧО ПАЛЕВСКИ
• ПАЛЧО МУ РЕКОЛ НА БОРЕ ВИДЕВСКИ ДА ПОМИНЕ ВРЕМЕ, ЌЕ БАРААТ ОТКУП ЗА ВАЊА, ИАКО Е УБИЕНА, СВЕДОЧЕЛ ТОЈ ПО АПСЕЊЕТО, ЗА НА СУДЕЊЕ ДА КАЖЕ ДЕКА НЕМА ВРСКА СО УБИСТВАТА И СЀ РЕКОЛ ПОД ПРИСИЛА
• КАРАТИСТОТ БОРЕ ВИДЕВСКИ ЧИЈА ДНК СПОРЕД ОБВИНИТЕЛСТВОТО БИЛА НАЈДЕНА НА ВАЊА, НЕГИРА КАКВА БИЛО ПОВРЗАНОСТ СО УБИСТВАТА
• СУДИЈАТА ГО ИСПРАШУВАШЕ ВЕЛИБОР МАНЕВ КОЈ СЕ БРАНИ ДЕКА САМО САКАЛ ДА КИДНАПИРА ЛУЃЕ И ДА ГИ ДРЖИ ЗАТВОРЕНИ ВО ДУПКА ПОД ЗЕМЈА, А НЕ ДА ГИ УБИВА
• ПРАШАЈТЕ ГО ПАЛЕВСКИ ЗОШТО Е УБИЕНА ВАЊА, СВЕДОЧИ ОБВИНЕТИОТ МАНЕВ
• ПАЛЧО ИСПУКА КУРШУМ ВО ДЕТЕТО И ОТИДЕ ДО КОЛАТА, ИЗВАДИ КОПАЧ, ЛОПАТА И АШОВ, СВЕДОЧИ ОБВИНЕТИОТ ВЕЛИБОР МАНЕВ
• ПРЕД ДА ЈА ГРАБНАТ ВАЊА, ПАЛЧО ПРВО САКАЛ ДА ГО КИДНАПИРА ДИРЕКТОРОТ НА ГРАНИТ, А ПОТОА 38-ГОДИШНА ЌЕРКА НА СОПСТВЕНИК НА ВЕЛЕДРОГЕРИЈА
• НА ПРВИТЕ РЕЧЕНИЦИ ОД СВЕДОЧЕЊЕТО НА МАНЕВ ЗА НАЧИНОТ НА ГРАБНУВАЊЕ НА ВАЊА, НА ТАТКОТО ЃОРЧЕВСКИ МУ СЕ СЛОШИ, СУДИЈАТА ДАДЕ ПАУЗА
• ДОДЕКА ГО СПРЕМАВ ЖЕЖОВСКИ ЗА ВО ДУПКАТА, ПАЛЕВСКИ ОДЕДНАШ МУ ПУКНА ВО СЛЕПООЧНИЦАТА И МИ КАЖА: „ВАКА Е ПОЧИСТО!”, СВЕДОЧИ ВЕЛИБОР МАНЕВ
• ПАЛЕВСКИ ГИ НАТЕРАЛ ДРУГИТЕ ОБВИНЕТИ ДА ИСКОПААТ ДУПКИ НАД ВЕЛЕС ЗА КИДНАПИРАЊЕ ЛУЃЕ, ЗА ДА ГИ СТАВААТ ВНАТРЕ СО ВРЗАНИ ТЕГОВИ НА НОЗЕТЕ, СВЕДОЧИ ВЕЛИБОР МАНЕВ