Игор Ефремов, адвокат на обвинетиот Влатко Кешишев, побара првообвинетиот Љупчо Палевски привремено да биде отстранет од судницата додека трае денешниот распит и давање одбрана на неговиот клиент, на судењето за грабнувањата и убиствата на Вања Ѓорчевска и Панче Жежовски.

„Согласно член 391 став 4 од Законот за кривична постапка, бараме за време на давањето исказ да биде отстранет Палевски од судницата, бидејќи во негово присуство Кешишев нема да ја зборува вистината. При заеднички спровод во комбе од притвор, Палевски му дал на Кешишев изјава да ја препише и да ја потпише како своја, со која ја негира претходно дадената изјава каде во детали ги опишува дејствијата на Палевски. Извршено е влијание врз Кешишев и оправдан е стравот на одбраната Кешишев нема да ја зборува вистината”, кажа адвокатот.

Бранителот на Палевски, Јовица Страшевски, кажа дека нема потреба од драми и на вакви, како што кажа, блефирања, судот не треба да попушти.

„Обвинетиот Влатко Кешишев се служи со невистини. Не сум го терал да препише изјава. Вторпат адвокатот го тврди ова, без да даде доказ дека сум го терал Кешишев да препише моја изјава и да ја претстави како своја. Може вака со грб да биде свртен и да седи, мене ми е битно да слушнам што ќе каже, да фатам белешки и да му поставувам прашања”, кажа Палевски.

По ова, судијата Ивица Стефановски го праша обвинетиот Кешишев дали се согласува со неговиот адвокат, тој одговори потврдно.

По консултација со советот, судијата Стефановски го отстрани Палевски, кој е посочен како организатор на грабнувањата и егзекутор на Панче Жежовски од Велес и на детето Вања Ѓорчевска од Скопје. Му ставија лисици и го изнесоа од судница.

На ова неговиот адвокат рече дека ќе го напушти судењето. Судијата му кажа дека во таков случај ќе додели адвокат по службена должност.

Страшевски остана, почна сослушувањето на Влатко Кешишев, кој додека цело Скопје ја бараше исчезнатата Вања, тој го однесе МВР на местото каде што е закопана.

С. К. ДЕЛЕВСКА

• ПАЛЧО МУ РЕКОЛ НА БОРЕ ВИДЕВСКИ ДА ПОМИНЕ ВРЕМЕ, ЌЕ БАРААТ ОТКУП ЗА ВАЊА, ИАКО Е УБИЕНА, СВЕДОЧЕЛ ТОЈ ПО АПСЕЊЕТО, ЗА НА СУДЕЊЕ ДА КАЖЕ ДЕКА НЕМА ВРСКА СО УБИСТВАТА И СЀ РЕКОЛ ПОД ПРИСИЛА
• КАРАТИСТОТ БОРЕ ВИДЕВСКИ ЧИЈА ДНК СПОРЕД ОБВИНИТЕЛСТВОТО БИЛА НАЈДЕНА НА ВАЊА, НЕГИРА КАКВА БИЛО ПОВРЗАНОСТ СО УБИСТВАТА
• СУДИЈАТА ГО ИСПРАШУВАШЕ ВЕЛИБОР МАНЕВ КОЈ СЕ БРАНИ ДЕКА САМО САКАЛ ДА КИДНАПИРА ЛУЃЕ И ДА ГИ ДРЖИ ЗАТВОРЕНИ ВО ДУПКА ПОД ЗЕМЈА, А НЕ ДА ГИ УБИВА
• ПРАШАЈТЕ ГО ПАЛЕВСКИ ЗОШТО Е УБИЕНА ВАЊА, СВЕДОЧИ ОБВИНЕТИОТ МАНЕВ
• ПАЛЧО ИСПУКА КУРШУМ ВО ДЕТЕТО И ОТИДЕ ДО КОЛАТА, ИЗВАДИ КОПАЧ, ЛОПАТА И АШОВ, СВЕДОЧИ ОБВИНЕТИОТ ВЕЛИБОР МАНЕВ
• ПРЕД ДА ЈА ГРАБНАТ ВАЊА, ПАЛЧО ПРВО САКАЛ ДА ГО КИДНАПИРА ДИРЕКТОРОТ НА ГРАНИТ, А ПОТОА 38-ГОДИШНА ЌЕРКА НА СОПСТВЕНИК НА ВЕЛЕДРОГЕРИЈА
• НА ПРВИТЕ РЕЧЕНИЦИ ОД СВЕДОЧЕЊЕТО НА МАНЕВ ЗА НАЧИНОТ НА ГРАБНУВАЊЕ НА ВАЊА, НА ТАТКОТО ЃОРЧЕВСКИ МУ СЕ СЛОШИ, СУДИЈАТА ДАДЕ ПАУЗА
• ДОДЕКА ГО СПРЕМАВ ЖЕЖОВСКИ ЗА ВО ДУПКАТА, ПАЛЕВСКИ ОДЕДНАШ МУ ПУКНА ВО СЛЕПООЧНИЦАТА И МИ КАЖА: „ВАКА Е ПОЧИСТО!”, СВЕДОЧИ ВЕЛИБОР МАНЕВ
• ПАЛЕВСКИ ГИ НАТЕРАЛ ДРУГИТЕ ОБВИНЕТИ ДА ИСКОПААТ ДУПКИ НАД ВЕЛЕС ЗА КИДНАПИРАЊЕ ЛУЃЕ, ЗА ДА ГИ СТАВААТ ВНАТРЕ СО ВРЗАНИ ТЕГОВИ НА НОЗЕТЕ, СВЕДОЧИ ВЕЛИБОР МАНЕВ