Меѓу Љупчо Палевски и Велибор Манев биле сите договори за киднапирање, вклучително и на детето Вања Ѓорчевска за уцена и откуп, а Палевски бил организаторот, тврди обвинетиот и денешен сведок Влатко Кешишев.

Пред да биде извршено грабнувањето на детето во влезот на зградата во која живее на „Наум Наумовски Борче” во Дебар Маало во Скопје, Кешишев, Љупчо Палевски, Велибор Манев и Боре Видевски отишле по „ситроенот“ на веќе убиениот Панче Жежовски од Велес. „Ситроенот“ бил паркиран во Радишани.

„Јас го отворив гепекот. Прв излезе Боре. Велибор носеше вреќа врзана, не се гледаше што има во неа. Вељо и јас седнавме во ситроенот напред, Боре беше на задното седиште. Палчо до подвозникот на Качанички пат, не го видов  Кога го видовме до реното кангу кај подвозникот, тој возеше пред нас. Ја однесовме во Бразда. Таму се заврши се”, тивко кажа Кешишев.

Никој ништо не зборел во колата.

„Излеговме од ситроенот. Палчо ме остави да чувам стража на 20-30 метри да не наиде некој. Се завртев неколку пати да видам што се случува. Прво разговараа, за тоа време гепекот беше отворен. После се завртев, гледам копаат. Последниот пат кога се завртев, Палевски држеше пиштол во раката. Кажувам како што беше. После слушнав истрел, ама некако тапо. Тк, тк.., Го затрупавме телото со земја и со стари ќебиња, што имаше на буништето. Тогаш Палчо ги избриша двете лопати и копачот со средство ВД40, ги стави во кангуто. Влеговме во кангуто јас и Боре, Палчо возеше. Излеговме на асфалтот. На 500 метри ми кажаа да ги фрлам лопатите и копачот на банкината. Ситроенот го управуваше Велибор, по нас. Продолживме на местото каде требаше да се запали ситроенот”, сведочеше Кешишев.

Тој тврди дека дури по враќањето во штабот на партијата, дознал дека било грабнато и убиено девојче.

„Отидов да правам кафе, тогаш на Фејсбук видов дека се бара дете. Го прашав Палчо што е ова, тој не ми одговори. Не ми беше јасно за убиствата, а тој не ми одговараше. Се повлеков во собата што ја имав и си молчев. Палчо се спремаше веќе за Белград”, кажуваше Кешишев.

„Дали имате учествувано во копањето дупка во Бразда?, праша адвокатот Ефремов.

„Не, само за закопувањето помогнав, за да се заврши побрзо”, кажа тој.

„Чиј е пиштолот со кој се убиени Панче и Вања, дали знаете?”, го праша адвокатот.

„Моторолите ги купи Палчо, а пиштолот, како што слушнав овде на судењето, бил на Боре. Јас не можам да тврдам. Се беше ставено во ранецот на Палчо, а Палчо секогаш си го носеше со себе”, одговори тој.

Судењето е во тек.

С. К. ДЕЛЕВСКА

• КОПАВ И ЈАС ДУПКА НАД ВЕЛЕС, МИСЛЕВ ДЕКА БАРАМЕ ЗЛАТО, НО ВЕЛИБОР МИ КАЖА ДЕКА Е ЗА КИДНАПИРАЊЕ ЛУЃЕ И АКО ЗБОРАМ, ЌЕ ЛЕТААТ ГЛАВИ, СВЕДОЧИ ВЛАТКО КЕШИШЕВ
• ПОРАДИ СТРАВ НА ОБВИНЕТИОТ ВЛАТКО КЕШИШЕВ, ОД СУДНИЦАТА ОТСТРАНЕТ ЉУПЧО ПАЛЕВСКИ
• ПАЛЧО МУ РЕКОЛ НА БОРЕ ВИДЕВСКИ ДА ПОМИНЕ ВРЕМЕ, ЌЕ БАРААТ ОТКУП ЗА ВАЊА, ИАКО Е УБИЕНА, СВЕДОЧЕЛ ТОЈ ПО АПСЕЊЕТО, ЗА НА СУДЕЊЕ ДА КАЖЕ ДЕКА НЕМА ВРСКА СО УБИСТВАТА И СЀ РЕКОЛ ПОД ПРИСИЛА
• КАРАТИСТОТ БОРЕ ВИДЕВСКИ ЧИЈА ДНК СПОРЕД ОБВИНИТЕЛСТВОТО БИЛА НАЈДЕНА НА ВАЊА, НЕГИРА КАКВА БИЛО ПОВРЗАНОСТ СО УБИСТВАТА
• СУДИЈАТА ГО ИСПРАШУВАШЕ ВЕЛИБОР МАНЕВ КОЈ СЕ БРАНИ ДЕКА САМО САКАЛ ДА КИДНАПИРА ЛУЃЕ И ДА ГИ ДРЖИ ЗАТВОРЕНИ ВО ДУПКА ПОД ЗЕМЈА, А НЕ ДА ГИ УБИВА
• ПРАШАЈТЕ ГО ПАЛЕВСКИ ЗОШТО Е УБИЕНА ВАЊА, СВЕДОЧИ ОБВИНЕТИОТ МАНЕВ
• ПАЛЧО ИСПУКА КУРШУМ ВО ДЕТЕТО И ОТИДЕ ДО КОЛАТА, ИЗВАДИ КОПАЧ, ЛОПАТА И АШОВ, СВЕДОЧИ ОБВИНЕТИОТ ВЕЛИБОР МАНЕВ
• ПРЕД ДА ЈА ГРАБНАТ ВАЊА, ПАЛЧО ПРВО САКАЛ ДА ГО КИДНАПИРА ДИРЕКТОРОТ НА ГРАНИТ, А ПОТОА 38-ГОДИШНА ЌЕРКА НА СОПСТВЕНИК НА ВЕЛЕДРОГЕРИЈА
• НА ПРВИТЕ РЕЧЕНИЦИ ОД СВЕДОЧЕЊЕТО НА МАНЕВ ЗА НАЧИНОТ НА ГРАБНУВАЊЕ НА ВАЊА, НА ТАТКОТО ЃОРЧЕВСКИ МУ СЕ СЛОШИ, СУДИЈАТА ДАДЕ ПАУЗА
• ДОДЕКА ГО СПРЕМАВ ЖЕЖОВСКИ ЗА ВО ДУПКАТА, ПАЛЕВСКИ ОДЕДНАШ МУ ПУКНА ВО СЛЕПООЧНИЦАТА И МИ КАЖА: „ВАКА Е ПОЧИСТО!”, СВЕДОЧИ ВЕЛИБОР МАНЕВ
• ПАЛЕВСКИ ГИ НАТЕРАЛ ДРУГИТЕ ОБВИНЕТИ ДА ИСКОПААТ ДУПКИ НАД ВЕЛЕС ЗА КИДНАПИРАЊЕ ЛУЃЕ, ЗА ДА ГИ СТАВААТ ВНАТРЕ СО ВРЗАНИ ТЕГОВИ НА НОЗЕТЕ, СВЕДОЧИ ВЕЛИБОР МАНЕВ