Украинскиот претседател Володимир Зеленски имаше интервју за американската телевизија „Фокс Њуз“ по средбата со Доналд Трамп и се обиде да ги смири тензиите со американската влада.

„Многу сум благодарен на Американците за сета ваша помош. Ни помогнавте многу од самиот почеток. Ни помогнавте да преживееме“, го почна Зеленски интервјуто.

Прашан дали му должи извинување на Трамп, Зеленски одговори:

„Го почитувам претседателот и го почитувам американскиот народ. Мислам дека мораме да бидеме многу отворени и многу искрени и не сум сигурен дека направив нешто лошо“.

Тој потоа рече дека расправијата не била добра, но остана убеден дека неговиот однос со Трамп може да биде спасен.

„Само сакам да бидам искрен и само сакам нашите партнери да ја сфатат ситуацијата правилно и сакам да сфатам сè правилно. Тоа е најважно за нас, да не го изгубиме пријателството“, рече Зеленски.

• ЗЕЛЕНСКИ ПРЕДВРЕМЕ ЈА НАПУШТИ БЕЛАТА КУЌА ПО ТЕНЗИЧНИОТ СОСТАНОК СО ТРАМП, ДОГОВОРОТ ЗА РЕТКИ МИНЕРАЛИ НЕ Е ПОТПИШАН
• ТРАМП И ВЕНС СЕ КАРАА СО ЗЕЛЕНСКИ ВО БЕЛАТА КУЌА, ГО ОБВИНИЈА ДЕКА Е НЕБЛАГОДАРЕН И НЕ ПОКАЖУВА ПОЧИТ КОН САД

Зборувајќи до медиумите по средбата со Зеленски во Белата куќа, Трамп кажа:

„Не испадна баш најдобро”.

Трамп изјави дека Зеленски „претерал” за време на средбата и го повтори ставот дека Зеленски се соочува со „многу слаби карти” во потенцијалните мировни преговори.

Според Трамп, Зеленски ќе биде „силен” доколку лидерот го потпише договорот за минерали предложен од САД.

„Тој сака да продолжи да се бори, да се бори, да се бори, а ние сакаме да ја прекинеме смртта,” додаде Трамп.

На прашањето што треба да направи украинскиот лидер за да ги рестартира преговорите, Трамп одговори: „Тој треба да каже ‘Сакам да склучам мир'”.

Трамп потоа ја повтори својата закана за повлекување на американската поддршка: “Или ќе го завршиме тоа, или ќе го оставиме да се бори”.