Prindërit e fëmijëve me pengesa në zhvillim nga Kumanova ankohen se me muaj të tërë nuk mund të kenë termin dhe t’i çojnë fëmijët në kontroll në komisionin për Klasifimin ndërkombëtar të funksionimit, pengesës dhe shëndetit (MKF), gjë për shkak të të cilës ata përballen me probleme në realizimin e të drejtave që ua garanton shteti.

Nënë e fëmijës shtatëvjeçare me nevoja të veçanta, që ka sulme epileptike, një formë të lehtë të autizmit dhe mungesë të tërësishme të të folurit, thotë se është rrugës për të humbur ndihmën monetare nga Qendra për punë sociale në Kumanovë dhe se nuk mund të marrë vërtetim për asistent personal për shkak se komisioni nuk punon.

Nga Qendra për punë sociale në Kumanovë përsërisin se janë në dijeni për listën e pritjes dhe me problemet që shkaktohen për shkak të kontrolleve dhe vlerësimeve të vonuara.

• KOMISIONI PA SPECIALISTË UA HOQI PARATË NJË PJESE TË FËMIJËVE ME DAUN SINDROM DHE SËMUNDJE TË RRALLA

Kompetenti për formimin dhe punën e komisioneve të MKF është Unioni i edukatorëve specialë dhe rehabilituesve në Ministrinë e shëndetësisë. Ata pranojnë se kanë probleme sa i përket ekipit, gjë që shkakton listë të pritjes, por thonë se punojnë një deri në dy herë në javë.

Për momentin aktivisht punojnë të dy qendrat në Shkup, qendra në Manastir për Rajonin e Pellagonisë, në Gostivar për Rajonin e Pollogut dhe në Strumicë për Rajonin jugolindor. Në procedurën e plotësimit të ekipit dhe organeve profesionale në qendrat në Kumanovë, Veles dhe Ohër. Çdo komision i MKF duhet të ketë defektolog, sociolog, psikolog dhe mjek. Për fëmijët në Kumanovë, komisioni punën në shkollën fillore “Vuk Karaxhiq” dhe në vizitën e sotme, zyra ishte e mbyllur.

S. NIKOLIQ