УРБАНАТА МАФИЈА ЌЕ ГРАДИ ХОТЕЛ ВО ЗАШТИТЕНИОТ ЗЕЛЕН ПОЈАС ВО ЛАГАДИН, АЛАРМИРАА ИЛИНА АРСОВА И „ОХРИД СОС“

a:1:{s:9:"td_source";s:22:"Охрид,(Мета)

    УРБАНАТА МАФИЈА ЌЕ ГРАДИ ХОТЕЛ ВО ЗАШТИТЕНИОТ ЗЕЛЕН ПОЈАС ВО ЛАГАДИН, АЛАРМИРАА ИЛИНА АРСОВА И „ОХРИД СОС“

    Во охридската населба Лагадин ќе се гради гради хотел во заштитениот зелен појас и покрај приговорот што го потпишаа 99 отсто од локалните жители, предупредуваат граѓанската иницијатива „Охрид СОС“ и Илина Арсова, позната алпинистка и активистка за заштита на природните богатства.

    „И покрај приговорот што жителите на Лагадин го потпишаа со 99-процентно учество, противејќи се на урбанизацијата на крајбрежјето и на непланското менување на деталниот урбанистички план, односно, по ново, општиот акт за село Лагадин, и покрај сите препораки на УНЕСКО и на Министерството за животна средина, урбаната мафија во соработка со корумпираната Општина Охрид продолжува по свое. Ќе се гради хотел во инаку заштитениот зелен појас во населба т.е. село Лагадин“, вели Арсова.

    Екологистите се особено изненадени што градителите се поддржани и од холандскиот тур-оператор ТУИ, кој во светот пропагира заштита на природата.

    „Никому ништо не му значи и масовно потпишаната петиција и реакциите на туристите, кои не сакаат медитерански плажи, туку ја претпочитаат недопрената природа во Охрид. Секторот на урбанизам при Општина Охрид уште еднаш ја покажа својата нетранспарентност и корумпирана активност во полза на нечии интереси, а на сметка на месното население, што е казниво со закон“, додаде Арсова.

    В. ТРАЈКОВ

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира