Англија го освои третото место на Светското првенство во САД, Канада и Мексико откако во ретко виден натпревар ја победи Франција со 6:4. Ова е прв медал за Англичаните на светските првенства од историската титула во 1966 година.

Иако двете репрезентации отворено кажуваа дека не се среќни што ќе играат за трето место, ова се претвори во еден од најефикасните натпревари во историјата на мундијалите.

За разлика од Англија, Франција го почна мечот со најдобрата постава, но и покрај тоа, на полувремето имаше негатива од четири гола, што не ѝ се случило од 1930 година. Во продолжението, Франција постигна три гола за 18 минути и потоа не искористи уште неколку добри шанси, но спектакуларен пресврт не се случи.

„Оваа игра сигурно ќе ни помогне, дури и ако никогаш не можете целосно да прославите бронзен медал. Ова е првиот медал по 60 години и се надевам дека играчите ќе можат да бидат горди на тоа во одреден момент“, изјави селекторот на Англија, Томас Тухел.

Најефикасниот меч на светските првенства останува Унгарија-Ел Салвадор 10:1 од 1982 година.

Со двата гола на овој натпревар, Килијан Мбапе стана најдобриот стрелец на светските првенства со вкупно 22 погодоци, еден повеќе од Лео Меси.