Повеќе од 1,5 милиони луѓе ја поддржаа петицијата да се искористи сликата на Коби Брајант како ново официјално НБА лого. Брајант, сметан за еден од најдобрите кошаркари на сите времиња, почина во неделата. Тој и неговата 13-годишна ќерка беа меѓу деветмината загинати во хеликоптерската несреќа во Калифорнија.

Актуелното лого на НБА е дизајнирано од Алан Сајгел, и на него е силуетата на Џери Вест, уште една легенда на Лос Анџелес Лејкерс, кој има 81 година.

Креаторот на петицијата на платформата change.org Ник М напиша: „Поради неочекуваната смрт на легендата Коби Брајант, ве молам да ја потпишете оваа петиција во обид да го овековечиме засекогаш како ново НБА лого“.