Македонскиот знаменосец Ставре Јада убедливо го освои последното место во квалификациите за спринтерската трка со класичен стил, што беше негов прв настап на Зимските олимписки игри во Пјонгчанг.

Тој беше единствениот од 79-темина учесници кој имаше повеќе од една минута заостаток зад првопласираниот Хакола Ристомати. Финецот ја помина патеката за три минути, осум секунди и 54 стотинки, додека на македонскиот нордиец му требаа 4:23,85 минути (+1:15,31). Само уште Тариел Жаркимбаев од Киргистан трчаше над четири минути, но дури и тој беше побрз од Јада за цели 18 секунди.