Д-р Сашко Кедев испиша историја, станувајќи првиот и единствен Македонец кој ги освоил сите 14 врвови во светот повисоки од 8.000 метри, како и седумте највисоки врвови на секој континент. Со овој подвиг, тој комплетираше едно од најелитните достигнувања во високопланинскиот алпинизам.

Последното искачување во неговиот поход беше на Гашербрум I (8.080 метри), каде што утрово во 10:44 часот по пакистанско време застана на врвот. Со тоа, 63-годишниот Кедев, кој го прослави својот роденден на 6 јули, се приклучи на малубројната група светски алпинисти кои ги имаат искачено сите 14 осумилјадници.